بسم الله الرحمن الرحیم

“قاري عبیدالله حنیف د مرحوم میر نواز خان زوی دی، چې د خوست ولایت د اسمعیل‌خېل ولسوالۍ د دوسرکه میلاني کلي اوسېدونکی دی. کله چې د کمونېستانو څپه پر هېواد خپره شوه، نو ښاغلی حنیف له خپلې کورنۍ سره اړ شو چې خیبر پښتونخوا ته کډه وکړي. هغه د یوې علم‌پالې کورنۍ غړی دی، نو له همدې امله یې په ټل سیمه کې زده‌کړې پیل کړې او تر شپږم ټولګي پورې یې هلته تعلیم وکړ. د نجیب‌الله د حکومت تر نسکورېدو وروسته، بېرته خوست ته راستون شو او خپله منځنۍ او ثانوي زده‌کړه یې هلته بشپړه کړه.”